Clash of Clans کلش اف کلان

Clash of Clans – کلش اف کلان د موبایل لپاره یوه ډېره مشهوره ستراتیژیکه لوبه ده چې د Supercell شرکت له خوا جوړه شوې ده. دا لوبه په Android او iOS کې په میلیونو کسانو کوی او د اوږدې مودې راهیسې د نړۍ له تر ټولو بریالیو موبایل لوبو څخه شمېرل کېږي.

Clash of Clans کې لوبغاړی خپل کلی (Village) جوړوي، ودانۍ پیاوړې کوي، پوځ روزي او د نورو لوبغاړو پر کلیو بریدونه کوي. د لوبې اصلي هدف دا دی چې خپل کلی قوي کړئ، سرچینې لکه سره زر (Gold)، الیکسیر (Elixir) او ډارک الیکسیر (Dark Elixir) راټولې کړئ او خپل دفاعي سیستم لا ښه کړئ.

لوبه دوه مهمې برخې لري: برید (Attack) او دفاع (Defense). په برید کې لوبغاړی خپل سرتېري لکه Barbarian، Archer، Giant، Wizard او نور کار وي ترڅو د دښمن کلی وران کړي او جایزې ترلاسه کړي. په دفاع کې بیا لوبغاړی د توپونو (Cannons)، برجونو (Towers)، دیوالونو (Walls) او جالونو (Traps) په وسیله خپل کلی له بریدونو ساتي.

Clash of Clans د Clan سیستم هم لري. Clan هغه ډله ده چې څو لوبغاړي پکې یو ځای کېږي، یو بل سره مرسته کوي، سرتېري کومک ورکوي او په Clan War کې ګډون کوي. د Clan War له لارې ټیمونه جنګیږی چې پکښی همکاري، پلان او ستراتیژي ډېر اهمیت لري.

دا لوبه یوازې د جګړې لپاره نه ده، بلکې د فکر، صبر او سم پلان جوړونې ته اړتیا لري. هره پرېکړه لکه ودانۍ اپګرېډ کول، پوځ ټاکل او د برید وخت ټاکل د بریا په ترلاسه کولو کې مهم رول لري. Clash of Clans یوه داسې لوبه ده چې هم تفریح برابروي او هم د ستراتیژۍ مهارتونه پیاوړي کوي.